Artekalegoiena
Durangoko Erdi Aroko kaleen izenetan erdiko aldean bat zeharka egoteagatik kantoiak sortu eta horien arabera sailkatzen ziren bai izenak bai beste hainbat jarduera, hots, Santa Ana eliza alderakoei –goiena gehitzen zitzaien eta Uribarriko Andra Maria basilika alderakoei –barrena; gaztelaniazko dokumentuetan Cantón abajo eta Cantón arriba. Oraingo honetan Artekale- osagaiak Erdi Aroko egitura adierazten du, hots, beste kaleen bitartean zegoela, eta -goiena osagaiak Zeharkaletik Santa Ana aldera luzatzen zela.
Toponimoa: Artekalea, Artekalegoiena
